51:3 – 'ტაომ' 'დევები' მეორედ დაამარცხა

„ტაოსა“ და „დევებს“ მეორე ნახევარფინალური, პირველი საშინაო მატჩი, 21 აპრილს მიხეილ იაძის სახელობის, ახალციხის ცენტრალურ სტადიონზე გაიმართა.

დაძაბული თამაშის შემდეგ, მეორე ნახევარფინალურ მატჩში გამარჯვება,წილად სამცხე–ჯავახეთის სარაგბო კლუბს ხვდა.

შეგახსენებთ, რომ „ტაოს“ მოგება, თბილისის გუნდ „დევებათან“ უკვე მეორეა. გუნდებს შორის პირველი მატჩი 15 აპრილს თბილისში გაიმართა, სადაც სამცხე–ჯავახეთის სარაგბო კლუბმა გამარჯვება ანგარიშით 14:10 მოიპოვა.

შეხვედრა საქართველოს რეგიონული ლიგის ჩემპიონატის ფარგლებში გაიმართა, რომელსაც საქართველოს რაგბის ფედერაცია ატარებს.

რეგიონთა შორის ფინალურ შეხვედრაში სამცხე- ჯავახეთის გუნდი „ტაო“ პირველობისთვის ჭიათურის გუნდს დაუპირისპირდება.

[ლუბა გიორგაძე, ახალციხე]