ახალციხეში რაგბის მატჩი 'ტაოს' გამარჯვებით დასრულდა [Photo]

შეხვედრა ახალციხეში, მიხეილ იაძის სახელობის სტადიონზე დღეს, 25 თებერვალს გაიმართა. დაძაბული მატჩის შემდეგ, შეხვედრა სამცხე–ჯავახეთის სარაგბო კლუბის "ტაოს" სასარგებლოდ დასრულდა.

"წელს "ტაოს" პირველი თამაში იყო.მატჩი ძალიან დაძაბული გამოდგა, თმცა ყველაფერი კარგად დასრულდა. ჩვენ პირველ წრეში ერთადერთი თამაში სწორედ წყალტუბოს გუნდთან წავაგეთ, ამიტომ ეს პრინციპული თამაში იყო და დიდი მნიშვნელობა ჰქონდა მოგებას",–განაცხადა მატჩის დასრულების შემდეგ სარაგბო კლუბ "ტაოს" პრეზიდენტმა ირაკლი გვენეტაძემ.

დღევანდელი შეხვედრა საქართველოს რეგიონალური ლიგის ჩემპიონატის ფარგლებში გაიმართა, რომელსაც საქართველოს რაგბის ფედერაცია ატარებს.

ჩემპიონატში გუნდები მთელი საქართველოს მასშტაბით მონაწილეობენ. თამაშები ორ ნაწილადაა გაყოფილი, ქვეყნის დასავლეთ და აღმოსავლეთ ნაწილში.

"ტაოს" მიზანი პირველ ლიგაში გადასვლაა. კლუბს შვიდი თამაშის გამართვა მოუწევს. ჩემპიონატი მაისში დასრულდება.











[sknews.ge]