გედევან ფოფხაძეს ‘პატრიოტთა ალიანსის’ფრაქციაში გაწევრიანებას სთავაზობენ

„პატრიოტთა ალიანსის“ ლიდერმა, ადა მარშანიამ გამოთქვა სურვილი, რომ ფოფხაძე ჩვენ ფრაქციაში გაწევრიანდეს. თუ კარგი ადამიანები გადმოვლენ „ოცნებიდან“ „ალიანსში“ ამაში ცუდი არაფერი იქნება. მათ სიამოვნებით მივიღებთ. გედევან ფოფხაძე ჯერ არ არის წამოსული „ქართული ოცნებიდან“ და არც გაცხადება გაუკეთებია ამაზე“, – ამბობს „პატრიოტთა ალიანსის“ საზოგადოებასთან ურთიერთობის სამსახურის წარმომადგენელი მარიამ კუკავა „სამხრეთის კარიბჭესთან სატელეფონო საუბარში.

მიიღებს თუ არა გედევან ფოფხაძე „პატრიოტთა ალიანსის“ ლიდერის შემოთავაზებას უცნობია. ფოფხაძემ „სამხრეთის კარიბჭეს“ ზარებს არ პასუხობს“.

შეგახსენებთ, რომ გედევან ფოფხაძემ ოთხ აპრილს განაცხადა, რომ საპარლამენტო უმრავლესობას ტოვებს. ამის მიზეზი კი საზოგადოებრივი მაუწყებლის სამეურვეო საბჭოს წევრად მმართველი გუნდის წევრების მხრიდან ნინია კაკაბაძის კანდიდატურის მხარდაჭერას უკავშირდება.

გედევან ფოფხაძეს, „ქართული ოცნება" ჯერ არ დაუტოვებია. როგორც თავად ამბობს, უმრავლესობიდან წასვლაზე გადაწყვეტილებას მას შემდეგ მიიღებს, რაც გუნდში პრობლემების შესახებ ისაუბრებს.

[თინათინ ზაზაძე, ახალციხე]