კოსმოსურ ჰაკათონში გამარჯვებული ახალციხელები ნიდერლანდებიდან დაბრუნდნენ

ევროპის კოსმოსური სააგენტოს მუზეუმის დათვალიერება კონკურსში გამარჯვებულების მთავარი პრიზი იყო.

„Space Expo–ს მუზეუმი იყო საუკეთესო, რის ნახვასაც ჩვენ შევძლებდით. შესაძლებლობა გვქონდა სხვა მუზეუმებშიც შევსულიყავით და დაგვეთვალიერებინა“, – ამბობს კოსმოსურ ჰაკათონში გამარჯვებული სალომე თათოშვილი.

ახალციხის მეექვსე სკოლის კურსდამთავრებულებმა კოსმოსურ ჰაკათონში 2017 წლის სამ დეკემბერს გაიმარჯვებს, ნიდერლანდებში კი ოთხ აპრილს გაემგზავრნენ. კონკურსის თემა მარსის კოლონიზაცია იყო.

„ჩვენს სისტემას ქვია ციანოცირკულაცია. ციანობაქტერიებს ვიყენებთ იმისათვის, რომ წარმოვქმნათ ჟანგბადი მარსზე. ამ ბაქტერიებს სჭირდებათ ოპტიმალური პირობები, რაც ჩვენი სისტემის საშუალებით შევუქმენით. გვინდა ამ პროექტზე კიდევ ვიმუშაოთ და დავხვეწოთ“, – ამბობს სალომე თათოშვილი.

კოსმოსური ჰაკათონის ორგანიზატორები არიან ამერიკის შეერთებული შტატების საელჩო საქართველოში და არასამთავრობო ორგანიზაცია დემოკრატიის ლაბორატორია. სწორედ მათი დაფინანსებით გაემგზავრა გამარჯვებული გუნდი ნიდერლანდებში. მეორე და მესამე ადგილის მფლობელებმა საჩუქრად ტექნიკის ვაუჩერები მიიღეს.

[თინათინ ზაზაძე, ახალციხე]