ხვალ მესხეთის თეატრში სეზონი იხსნება

ზღაპარი დრაკონზეა, რომელიც დაიპყრობს ქვეყანას და ყოველ წელს ერთი მზეთუნახავი ქალიშვილი თავისთან მიჰყავს, თუმცა აქაც გამოჩნდება გმირი, რომელიც მასთან შერკინებას გაბედავს.

თეატრის სამხატვრო ხელმძღვანელის, ლია სულუაშვილის თქმით, საპრემიეროდ ისეთი პიესა შეარჩიეს, რომელიც თითქმის ყველა ასაკის მაყურებლისთვისაა.

მარტში მაყურებელი კიდევ ერთ პრემიერას „ შუშანიკის წამებას“ ნახავს. მას მოწვეული რეჟისორი ზურაბ ბუხრაძე დგამს.

„მოხარული ვარ, რომ ამ ძალიან კარგ თეატრში მომიწია სპექტაკლის დადგმა. სპექტაკლში ჩემი სიტყვა ვთქვი და ჩემეული ვერსიაც შევთავაზებ მაყურებელს“,– ამბობს რეჟისორი.

აპრილის დასაწყისში კიდევ ერთ პრემიერაა დაგეგმილი - ნოდარ დუმბაძის „მზიან ღამე“.

საერთო ჯამში თეატრი ახალ სეზონზე მაყურებელს 8 პრემიერას შესთავაზებს.

მესხეთის დრამატულ თეატრში „დრაკონის“ პრემიერა 22 მარტს, 19:00 საათზე გაიმართება.

პრემიერაზე დასწრება 4 ლარი ღირს, ხოლო რიგით სპექტაკლზე დასწრება 3.50 ლარია.

[მარიამ ბარძიმაძე, ახალციხე]