შემოსავლების სამსახური: 'ვალე'და 'კარწახი' მზადაა დამატებით დატვირთვას გაუძლოს

‘სარფის’ საბაჟო გამშვები პუნქტი, 22 მარტს, თურქეთის მხრიდან დაწყებული სამშენებლო–სარეკონსტრუქციო სამუშაოების გამო იკეტება.

საქართველოს შემოსავლების სამსახურში "სამხრეთის კარიბჭეს" განუცხადეს, რომ ამის გამო, 'ვალესა' და 'კარწახის' საბაჟოებზე თანამშრომლების დამატება, ან სამუშაო საათების შეცვლა, არ იგეგმება: "საბაჟო ისეც 24–საათიან რეჟიმში მუშაობს, თანამშრომლები კი საკმარისია. საბაჟო გამშვები პუნქტები – "ვალეც" და "კარწახიც", იმაზე მეტ ტვირთბრუნვას გაუძლებს, ვიდრე ეს შეიძლება "სარფის" დროებით ჩაკეტვას მოჰყვეს".

უწყებამ დღეს გაავრცელა ინფორმაცია, რომლის თანახმად, 22 მარტს, საბაჟო გამშვები პუნქტი 'სარფი' 12 საათით, 09:00 საათიდან 21:00 საათამდე ჩაიკეტება.

[Sknews.ge]