პირველ ივნისამდე თურქეთიდან საქართველოში კარტოფილის შემოტანა აიკრძალა

სურსათის ეროვნულ სააგენტოში აცხადებენ, რომ ეს დროებითი, პრევენციული ღონისძიებაა, იმისთვის, რომ თურქეთიდან სასურსათო მიზნით შემოტანილი კარტოფილი, სათესლე მასალად არ გამოიყენონ.

„კარტოფილის კიბო ეს არის საკარანტინო ორგანიზმი, რომელიც ფიქსირდება თურქეთში. შესაბამისად შეიძღუდება იმპორტი, რათა არ მოხდეს სასურსათო მიზნით შემოტანილი კარტოფილის გამოყენება სათესლე მასალად, რამაც შეიძლება კარტოფილის კიბოს გავრცელება გამოიწვიოს“, – აცხადებენ სურსათის ეროვნულ სააგენტოში.

სააგენტოს ინფორმაციით, ეს არის დროებითი ფიტოსანიტარიული ზომა კარტოფილის თესვის სეზონის დასრულებამდე.

ყველაზე მეტი კარტოფილი საქართველოში სწორედ თურქეთიდან შემოდის. 2017 წლის 1 იანვრიდან დღემდე იმპორტის მოცულობამ 21 615 ტონა შეადგინა.

[/left]



[sknews.ge]