ლიმონათი, ვაფლი, კანფეტი და ღვინო – სათნოების სახლის ბენეფიციარებს 8 მარტი მიულოცეს

დღეს,8 მარტს ახალციხეში სათნოების სახლის ბენეფიციარებს ქალთა საერთაშორისო დღე ტკბილეულითა და ყვავილებით მიულოცეს. მაჟორიტარი დეპუტატის ბიუროსა და ახალციხის საკრებულოს დეპუტატებმა მათ ვაფლი, კანფეტი, „კრეკერი“, ლიმონათი და „პეჩენია“ მიუტანეს.



„გიორგი კოპაძის ინიციატივით ბიუროს თანამშრომლებმა, საკრებულოს დეპუტატებთან ამბარცუმ ბაბოიანთან და გიორგი ბეროშვილთან ერთად, მივულოცეთ ბენეფიციარებს 8 მარტი. ტკბილეული ჩვენი დანაზოგით შევიძინეთ“, –ამბობს ახალციხე-ადიგენის №44 საარჩევნო ოლქის მაჟორიტარი დეპუტატის გიორგი კოპაძის ბიუროს თანამშრომელი ნაირა სამსონიძე.

ახალციხის სათნოების სახლში 169 ბენეფიციარია, 137 ქალი და 32 კაცი. ბენეფიციარები საკვებს ყოველ დღე, ოღონდ დღეში მხოლოდ ერთხელ იღებენ. ნაწილი სათნოების სახლში სადილობს, ნაწილს კი მისთვის კუთვნილი ულუფა სახლში მიაქვს. დღეს, ბენეფიციარებმა სტუმრებთან ერთად ისადილეს.

ახალციხის მუნიციპალიტეტის მერიის ბიუჯეტიდან მიმდინარე წელს სათნოების სახლისთვის 125 000 ლარია გამოყოფილი.





[თინათინ ზაზაძე, ახალციხე]