მცირე მეწარმეებისთვის ბრუნვის გადასახადი 5-ჯერ შემცირდება

მთავრობის ინფორმაციით, გარდა ამისა, ახალი საგადასახადო ინიციატივით, მცირე ბიზნესად დღეს თუ ითვლება 100 000 ლარამდე ბრუნვის მქონე საწარმო, ამ კატეგორიაში 500 000 ლარამდე ბრუნვის საწარმო ჩაითვლება.

"ჩვენ ვფიქრობთ, რომ ეს არის მართლაც ძალიან მნიშვნელოვანი შვება მცირე მეწარმეობით დაკავებული ადამიანებისთვის, ძალიან მნიშვნელოვანი შემცირება საგადასახადო ტვირთის და, რათქმაუნდა, წახალისება ახალი მეწარმეებისა, რომელთაც სურთ საქმიანობის წამოწყება", – განაცხადა საქარველოს პრემიერ–მინისტრმა გიორგი კვირიკაშვილმა.

მისი თქმით, მას იმედი აქვს, რომ "მეწარმეები აიტაცებენ ამ ინიციატივას, გაჩნდება ახალი საწარმოების შემქნის ინიციატივები და ეს იქნება ძალიან მნიშვნელოვანი ახალი ჟანგბადი მცირე მეწარმეებისთვის, მათი საწარმოების განვითარებისთვის".

[sknews.ge]