საშუალო და მცირე მეწარმეებს ბრუნვის გადასახადი 5%-დან 1%–მდე უმცირდებათ

ახალი საგადასახადო ინიციატივის მიხედვით, მცირე ბიზნესად დღეს თუ ითვლება 100 000 ლარამდე ბრუნვის მქონე საწარმო, ამ კატეგორიაში 500 000 ლარამდე ბრუნვის საწარმო ჩაითვლება. გარდა ამისა, მცირე მეწარმეებისთვის ბრუნვის გადასახადი 5%-დან 1%–მდე შემცირდება.

ფინანსთა მინისტრის მოადგილის ლაშა ხუციშვილის განმარტებით, საგადასახადო რეფორმა 120,000-მდე მეწარმეს ეხება: „ჩვენი პრიორიტეტია ქვეყნის ეკონომიკაში მნიშვნელოვნად გაიზარდოს მცირე და საშუალო ბიზნესის წილი, რათა უზრუნველვყოთ საქართველოში ისეთი ტიპის ეკონომიკური ზრდა, რომელიც მოსახლეობის ყველა ფენას შეეხება“.

მისი თქმით, მცირე ბიზნესისთვის უმარტივესი საგადასახადო აღრიცხვის წარმოების შესაძლებლობა შენარჩუნდება. მეწარმეებს არ ექნებათ საქონლის აღრიცხვისთვის სპეცილური ჟურნალის წარმოებისა და ბუღალტრული აღრიცხვის ვალდებულება. მცირე მეწარმეებს მხოლოდ საკონტროლო-სალარო აპარატის გამოყენება და სასაქონლო ზედნადების ქონა დაევალებათ. გრდა ამისა, მცირე მეწარმეებს შესაძლებლობა ექნებათ დარეგისტრირდნენ დღგ-ს გადამხდელებად და შესაბამისად, ჩაითვალონ დღგ, ან უკან დაიბრუნონ ავტომატურად, სახელმწიფო ბიუჯეტიდან.



პრეზენტაციის შემდეგ შეხვედრა კითხვა–პასუხის რეჟიმში გაგრძელდა. მეწარმეები ძირითადად ტექნიკური საკითხებით დაინტერსედნენ.
„გვაინტერსებდა როგორ შეიძლება მოხდეს ინდმეწარმეზე გადასვლა და სხვასხვა ტექნიკური დეტალები. ვფიქრობ, რომ საბოლოო ჯამში ეს ძალიან კარგი ინიციატივაა, მეტ საშუალებას მოგვცემს ჩვენი ბიზნესის განსავითარებლად. გვექნება ნაკლები შეცდომები და რაღაცა საკითხები გაგვიმარტივდება“,– გვითხრა შეხვედრის დასრულების შემდეგ შპს „პაპირონის“ ხელმძღვანელმა თეიმურაზ გოგოლაძემ.

ფინანსტა სამინისტროს ინფორმაციით, ახალი საგადსახადო ინიციატივის გაცნობის მიზნით, საინფორმაციო შეხვედრები მთელი ქვეყნის მასშტაბით იმართება.

[ლუბა გიორგაძე, ახალციხე]