ტაქსების ლიცენზირება კურორტებზეც გავრცელდება

ზურაბ ალავიძის განცხადებით, ტაქსების ლიცენზირება გარდა თბილისისა რეგიონებშიც გავრცელდება. თუმცა პირველ ეტაპზე ეს მხოლოდ საკურორტო ზონებს შეეხება.

ზურაბ ალავიძე, ჯერჯერობით ვერ აკონკრეტებს, როდიდად იგეგმება ტაქსების ლიცენზირების შემოღება.

„ყველაფერს ვაკეთებთ, რათა რაც შეიძლება სწრაფად მოხდეს ტაქსების ლიცენზირება. ის, რაც წელს ხდებოდა ბაკურიანში, როცა მთელი თბილისის ტაქსები იქ იყო ასული, ნორმალური არ არის, რადგან ამის საჭიროება არ იყო და ერთ დამსვენებელზე ხუთი ტაქსი მოდიოდა. როგორი იქნება სავალდებულო რეგისტრაცია, ამ საკითხზე ვმუშაობთ და გვინდა მივიღოთ ისეთი რეგულაცია, რომლითაც ხელი არ შეეშლება არც ბიზნესს და არც დამსვენებლებს”, – განაცხადა ზურაბ ალავიძემ.

[sknews.ge]