მართლმადიდებელი ეკლესია ნათლისღებას აღნიშნავს

ტაძარში წირვის დასრულების შემდეგ მრევლი სოფელ მინაძეში, მდინარე მტკვარში განბანვის რიტუალს დაესწრება, მრევლის ნაწილი, ტრადიციულად წყალში შევა.ასევე სრულდება ნათლობის რიტუალიც.

ნათლისღება ერთ-ერთი უმთავრესი ქრისტიანული დღესასწაულია. სახარების თანახმად, ამ დღეს იოანე ნათლსიმცემელმა მდინარე იორდანეში მონათლა იესო ქრისტე.

ნათლისღების დღესასწაულზე და მის წინა დღეს ყველა მართლმადიდებლურ ტაძარში სრულდება წყალკურთხევა და ნაკურთხი წყალი ურიგდებათ მორწმუნეებს. ამ წყალს უფლის მიერ კურთხეული იორდანის მადლი ეძლევა და, ჩვეულებრივი წყლისგან განსხვავებით, არ იხრწნება. ის შეგიძლიათ მთელი წლის განმავლობაში შეინახოთ და განსაცდელისა და ავადმყოფობის დროს მიიღოთ.

[sknews.ge]