რა ღირს სანტას გამოძახება ახალციხეში

„თოვლის ბაბუ კლაუსი“ – ასე ჰქვია სანტა კლაუსის გამოძახების ერთ–ერთ სერვისს, რომლის იდეა ახალგაზრდა ცოლ–ქმარს გაუჩნდა. ნათია ამბობს, რომ იდეა სოციალურ ქსელში, ერთ–ერთი ვიდეოს ნახვის შემდეგ დაებადა.

„თოვლის ბაბუ კლაუსის“ სერვისი 31 დეკემბერს, 1 იანვარსა და 14 იანვარს საღამოს 8:00 საათიდან 00:00 საათამდე იმუშავებს. სანტას გამოძახება 20 ლარი იქნება.

ნათია ამბობს, რომ თუ ოჯახს სანტასთან ერთად ფიფქიას გამოძახებაც ენდომება, მაშინ ფასი 40 ლარი იქნება.

„თოვლის ბაბუ კლაუსის“ სერვისში მინი პროგრამაც შედის.

„ოჯახში მოსვლისას „თოვლის ბაბუ კლაუსი“ თქვენს პატარებს ეტყვის გამოცანებს, ათქმევინეს ლექსებს და ამღერებს“, – ამბობს ნათია.
„თოვლის ბაბუ კლაუსის“ გამოსაძახებლად შემდეგ ნომერზე უნდა დარეკოთ: 568 77 99 50

თოვლის ბაბუის გამოძახების კიდევ ერთი სერვისი იური სუდაძეს აქვს. ამბობს, რომ სერვისი 31 დეკემბერს 21:00 საათიდან 03:00 საათამდე იმუშავებს. ამ სერვისით სარგებლობა 30 ლარია.

„ოჯახში მისვლისას მივესალმები ოჯახის ყველა წევრს, დავლოცავ, ვუსურვებ ყველაფერს საუკეთესოს, შემდეგ პატარას გადავცემ საჩუქარს“, – ამბობს იური.

მისი საკონტაქტო ნომერია: 592 31 41 92

ორივე სერვისი პატარისათვის გადასაცემი საჩუქრის მიწოდებას წინასწარ ითხოვს.

[მარიამ ბარძიმაძე, ახალციხე]