მერიის თანამშრომლები თოვლის ბაბუის როლში

ოჯახების მონაცემები, რომლებსაც უნდა დახმარებოდნენ, მერიას სკოლებისა და ბაღების ადმინისტრაციამ და სოციალურმა მუშაკებმა მიაწოდეს. ამის შემდეგ, მერიის თანამშრომლები შერჩეულ ოჯახებს ესტუმრნენ და პატარებს საახალწლო სურვილები დააწერინეს.

სურვილების დახარისხების შემდეგ, თანამშრომლებმა საკუთარი სახსრებიდან შეგროვებული თანხით საჩუქრები შეიძინეს, თოვლის ბაბუისა და ფიფქიას ფორმები მოირგეს და ოჯახებს სახლებში ესტუმრნენ. მერიის თანამშრომლებთან ერთად ოჯახებს ქალაქი მერი გიორგი კოპაძე სტურობდა.

„საჯარო მოხელეების მხრიდან ეს ძალიან კარგი ჟესტია“, – განაცხადა ქალაქის მერმა, რომლის თქმით, მერია მსგავს აქციას საშობაოდაც გეგმავს.

[ვარლამ წიკლაური, ახალციხე]