საფეხური: ადრეული და სკოლამდელი დაწესებულებების რეფორმა [Audio]

გადაცემის სტუმრები არიან ადიგენის მერიის სკოლამდელი აღზრდის დაწესებულებათა გაერთიანების ხელმძღვანელი მარინე ვარდიძე და ადგენის მერიის იურიდიული სამსახურის უფროსი მადონა გულიაშვილი.

სკოლამდელი აღზრდის დაწესებულებებში, განათლების ხარისხის ასამაღლებლად, მთავრობის მიერ 27 ოქტომბერს ახალ სტანდარტები დამტკიცდა, რომლებიც ერთი მხრივ, ბაღის აღმზრდელ პედაგოგთა კვალიფიკაციის ამაღლებას, მეორე მხრივ, სასკოლო ასაკის ბავშვებს სკოლისთვის აუცილებელი უნარების შეძენას ითვალისწინებს.



საბავშვო ბაგა-ბაღების პედაგოგებს პროფესიული განათლების ხარისხის ასამაღლებლად იმ კრიტერიუმების დაკმაყოფილება მოუწევთ, რომლებიც მთავრობამ უკვე დაამტკიცა. 2024 წლის 1-ელი სექტემბრიდან, აღმზრდელი პედაგოგის თანამდებობაზე მხოლოდ ისინი დასაქმდებიან, რომელთაც სკოლამდელი აღზრდის მიმართულებით უმაღლესი განათლება ექნებათ მიღებული.

რეორგანიზაციის შედეგად, თითოეული ბაღი არასამეწარმეო არაკომერციულ იურიდიულ პირად ჩამოყალიბდება. სტატუსი შეეცვლებათ მენეჯერებს და მათ დირექტორები დაერქმევათ.

თუკი სააღმზრდელო დაწესებულებები 2018 წლის 31 დეკემბრამდე შესაბამის მოთხოვნებს ვერ დააკმაყოფილებენ, ისინი ავტორიზაციის გარეშე დარჩებიან.

[sknews.ge]