ბორჯომში ხმებს ითვლიან – მერობის ორივე კანდიდატი გამარჯვებაში დარწმუნებულია

ასევე ორივე მათგანი აცხადებს, რომ არჩევნებმა მთლიანობაში მშვიდ ვითარებაში ჩაიარა. კანდიდატების თქმით იყო დარღვევები, თუმცა მცირედი.

ზაზა ჩაჩანიძის თქმით, შედარებით ხმაური იყო ბაკურიანში: "აქ იქჩხუბეს. უფრო ზუსტად თუ რა მოხდა, კადრებს გამოვაქვეყნებთ".

შეგახსნებთ, დღეს ბორჯომში ადგილობრივი თვითმმართველობის არჩევნების მეორე ტური იყო.

ბორჯომში მერობისთვის „ქართული ოცნების“ კანდიდატი ლევან ლიპარტია და „პატრიოტთა ალიანსის“ კანდიდატი ზაზა ჩაჩანიძემ იბრძვიან, რომელთა შორის, პირველ ტურში, სხვაობა 24 ხმა იყო (50.35% – ლიპარტია; 50.15% – ჩაჩანიძე).

მეორე ტურისთვის ბორჯომში 30 საარჩევნო უბანი იყო გახსნილი. არჩევნებში ამომრჩეველთა 52,9%–მა მიიღო მონაწილეობა.

[sknews.ge]