შსს: ბორჯომში პოლიციელები უსაფრთხოების დაცვის მიზნით იმყოფებიან

„როგორც კანონით არის გათვალისწინბეული, იმ რაოდენობის პოლიციელები დგანან საარჩევნო უბნის მიმდებარე ტერიტორიაზე. პოლიციელბი იმყოფებიან პრევენციისთვის, უსაფრთხოების დაცვის მიზნით, განსაკუთრებული არაფერი ხდება“, – აცხადებენ შინაგან საქმეთა სამინისტროს საზოგადოებასთან ურთიერთობის სამსახურში.

შეგახსენებთ, რომ „პატრიოტთა ალიანსის“ მერობის კანდიდატმა ზაზა ჩაჩანიძემ, გადაცხადა, რომ ბორჯომში, საარჩევნო უბნებთან, ძალოვანი უწყებების თანამშრომლები შეინიშნებიან: "დაახლოებთ ათ უბანზე ვიყავი და ყველგან იყვნენ. მე ვერ გეტყვით ზუსტად, ვინ არიან ესენი. მაგალითად სოფელ ზანავში დგას ასეთი მანქანები, ახალდაბაში. ჯერჯერობით არ გვაქვს რაიმე ფაქტები ზეწოლის შესახებ. არის დარღვევები და ველოდებით ინფორმაციას".

შეგახსენებთ, დღეს, 12 ნოემბერს, ბორჯომში, მერის არჩევნების მეორე ტური იმართება. გამარჯვებისთვის 'ქართული ოცნების" კანდიდატი ლევან ლიპარტია და "პატრიოტთა ალიანსის" კანდიდატი, ზაზა ჩაჩანიძე იბრძვიან, რომელთა შორის, პირველ ტურში, სხვაობა მხოლოდ 24 ხმა იყო.

[sknews.ge]