ახალციხელი ახალგაზრდების საპროტესტო აქცია ე.წ. ლოკანტების წინააღმდეგ [Photo/Video]

ფოტო: მე–9 არხი

ახალციხეში ადმინისტრაციული წესით დაკავებული ახალგაზრდა მამაკაცების მეგობრებმა მანქანების საყვირებით ქალაქში აქცია მოაწყვეს. მათი თქმით, ქალაქში ბევრი ისეთი ბარია, სადაც რეალურად პროსტუტიციას ეწევიან და არა ბიზნეს საქმიანობას.

„გვინდა რომ ასეთი ბარები დაიხუროს, შვილები და მომავალი თაობა გვეზრდება. არ შეიძლება ყველა ასეთ ლოკანტას ბარი ერქვას“, – აცხადებენ აქციის მონაწილეები.


ჯერ ახალგაზრდები საბარგო სადგურზე იმ თურქულ ბართან შეიკრიბნენ, სადაც 9 ნოემბერს ღამით მათი მეგობრები დააკავეს, შემდეგ კი ათობით მანქანით, გაბმული საყვირებით, ქალაქსა და მის შემოგარენში, საპროტესტო მსვლელობას აწყობდნენ.



შეგახსენებთ, რომ 9 ნოემბერს ახალციხეში 4 ახალგაზრდა დააკავეს. მათ ადმინისტრაციული პატიმრობა 10 დღით შეეფარდათ. გამოძიება სამართალდარღვევათა კოდექსის 173–ე მუხლით ედავება, რაც პოლიციელების კანონიერი მოწოდებისადმი დაუმორჩილებლობას გულისხმობს.

[sknews.ge]