'ქართულმა ოცნებამ' ქუჩების საარჩევნო მასალებისგან გასუფთავება დაიწყო [Photo]

არჩევნებიდან მესამე დღეს, ახალციხეში „ქართული ოცნების“ გამარჯვებული მერობის კანდიდატი, ასევე გამარჯვებული მაჟორიტარი დეპუტატობის კანდიდატები და პარტიის სხვა წევრები, კედლებიდან პალაკატებს ფხეკენ. „ოცნებამ“ სააგიტაციო მასალისგან ქალაქის დასუფთავება დიდიმამიშვილის ქუჩიდან დაიწყო.

„ბუნებრივია ერთ და ორ დღეში მთელ სააგიტაციო მასალებს ვერ ჩამოვწმენდთ, მაგრამ ეტაპობრივად სოფლებშიც გადავინაცვლებთ. უშულოდ ვიქნები ამ პროცესებში ჩართული“, – აცხადებს ‘ქართული ოცნების’ გამარჯვებული მერობის კანდიდატი ზაზა მელიქიძე.

როგორც მაჟორიტარი დეპუტატობის კანდიდატი ამბარცუმ ბაბოიანი ამბობს, „ქართული ოცნების“ პლაკატებთან ერთად ისინი ოპოზიციური პარტიების სააგიტაციო მასალებსაც ასუფთავებენ.

„ქალაქი ყველასია, სუფთა და ლამაზი უნდა იყოს, ამიტომ ერთიანად ვწმენდთ ყველაფერს“, – აცხადებს „ქართული ოცნების“ რაიონული ორგანიზაციის აღმასრულებელი მდივანი გიორგი გვარამაძე.









[sknews.ge]