ოპოზიციური პარტიები ქუჩების სააგიტაციო მასალებისგან გაწმენდას ხვალ დაიწყებენ

ახალციხეში ოპოზიციური პარტიების წარმომადგენლები აცხადებენ, რომ პლაკატებისგან გაასუფთავებენ როგორც ქალაქის ქუჩებს, ასევე სოფლებსაც.

"ევროპულ საქართველოს“ ახალციხის რაიონული ორგანიზაციის ხელმძღვანელის გელა დემატრაძის განმარტებით, პარტიის წარმომადგენელმა სააგიტაციო მასალებისგან ქალაქის ქუჩების გაწმენდა ორი დღის წინ დაიწო: „ნელ–ნელა მივყვებით და ვასუფთავებთ. ვცდილობთ ყველგან გავწმინდოთ. დავიწყეთ 9 აპრილის ქუჩიდან და „გალფის“ ბენზინგასამართი სადგურის მიმდებარე ტერიტორიიდან".







„სამხრეთის კარიბჭემ“ 9 აპრილსა და მის მიმდებარე ქუჩებზე ფოტოები დღეს, 24 ოქტომბერს გადაიღო, თუმცა დასახლების თითქმის მთელ ტერიტორიაზე ისევ არის როგორც „ევროპული საქართველოს“ კანდიდატის ვაჟა ჩიტაშვილის „პლაკატები“ ასევე სხვა პოლიტიკური პარტიების მერობის და მაჟორიტარი დეპუტატობის კანდიდატების სააგიტაციო მასალაც.

ასევე, ახალციხის შემოსასვლელში, იქ სადაც გელა დემეტრაძემ მიგვითითა, რამდენიმე ადგილზე „ევროპული საქართველოს“ კანდიდატების პლაკატების ნაწილი ჩამოფხეკილია, თუმცა სანახევროდ.

შეგახსენებთ, რომ არჩევნებიდან მესამე დღეს, ახალციხეში „ქართული ოცნების“ გამარჯვებული მერობის კანდიდატი, ასევე გამარჯვებული მაჟორიტარი დეპუტატობის კანდიდატებმა და პარტიის სხვა წევრებმა, კედლების პლაკატებისგან დასუფთავება დაიწყო.

[Sknews.ge]