N4 დამალის უბანში არასაკმარისი განათებაა

საუბნო საარჩევნო კომისიის თავმჯდომარის მჰერ ნაჰაპეტიანის თქმით, დამალაში უკვე წლებია არჩევნები ამ შენობაში ტარდება, ამდენად, საარჩევნო ადმინისტრაცია აქ არსებული მდგომარეობის შესახებ ინფორმირებულია.



სოფელი ეთნიკური სომხებითაა დასახლებული. ამ უბანზე რეგისტრირებული 1 190 ამომრჩეველია.

10:00 საათის მონაცემებით დამალის უბანზე ხმა 50-მა ამომრჩეველმა მისცა. საუბნო კომისიის თავმჯდომარის განმარტებით, აქ დღის ბოლომდე ხმას დაახლოებით 700-800 ამომრჩეველი მისცემს, რადგან ადგილობრივების ნაწილი სამუშაოდ საზღვარგარეთა არის წასული.
შეგახსენებთ, რომ ეს ის უბანია, სადაც საუბნო საარჩევნო კომისიის თავმჯდომარე, ასპინძის გამგებელსა და დამოუკიდებელი მერობის კანდიდატს ზეწოლაში ადანაშაულებდა.

ამ დროისათვის, უბანზე სიმშვიდეა და არანაირი დარღვევა არ დაფიქსირებულა.

ამავე უბანზე, ასპინძის გამგებელსა და დამოუკიდებელი მერობის კანდიდატის, ლევან ცაბაძის წარმომადგენლები გადაღებას აწარმოებენ. მათი თქმით, სოფელში 590-მდე ამომრჩეველია ფიზიკურად, დანარჩდნი სოფლიდან გასულია.



[თამუნა უჩიძე, ასპინძა]