მწერალი დათო ტურაშვილი და თბილისის არასამთავრობო ორგანიზაციები დღეს გოგაშენის მცხოვრებლებს შეხვდებიან

მათთან ერთად, გოგაშენს, საქართველოში ამერიკის ელჩის მოადგილე და საელჩოს თანამშრომლები ეწვევიან.

საუბარი შეეხება ისეთ თემებს, როგორიცაა დასავლეთის ქვეყნების მიერ საქართველოსთვის გაწეული დახმარება, ევროპასთან თავისუფალი ვაჭრობის შესაძლებლობები, საქართველოს ევროატლანტიკური მომავალი, რა ღირებულებები გვაერთიანებს ქართველებს და ევროპელებს და ა.შ.

შეხვედრებზე ასევე განიხილავენ იმ მითებსა და დეზინფორმაციას, რაც საქართველოში ანტიდასავლური განწყობების შესაქმნელად ვრცელდება.

ამას გარდა, არასამთავრობო ორგანიზაციები მოსახლეობას საკუთარ საქმიანობას გააცნობენ და მათი კომპეტენციის ფარგლებში სხვადასხვა საკითხზე გაუწევენ კონსულტაციას.

შეხვედრა გაიმართება არაფორმალურ გარემოში, სადაც მოქალაქეებს საშუალება ექნებათ დასვან კითხვები და სტუმრებთან ერთდ განიხილონ მათთვის მნიშვნელოვან საკითხები.

მსგავსი შეხვედრა გუშინ ადიგენში, სოფელ ზანავში შედგა. შეხვედრები EWMI ACCESSის ორგანიზებით იმართება და ღიაა ყველა დაინტერესებული პირისთვის.

სოფელ გოგაშენში (სკოლის ეზოში), შეხვედრა, 16:00 საათზე გაიმართება.

[ნინო ნარიმანიშვილი, ახალქალაქი]