როგორ მოვიგოთ ამერიკის მწვანე ბარათი – საინფორმაციო შეხვედრა ახალციხეში

საინფორმაციო შეხვედრა, რომელიც ახალციხის ცენტრალური ბიბლიოთეკის შენობაში, ამერიკულ კუთხეში გაიმართა, აქტიური და ხალხმრავალი იყო. ადგილობრივებმა საელჩოს წარმომადგენლებს დეტალურად გამოკითხეს როგორ უნდა მიიღონ მონაწილეობა ლატარიაში, რომლის საშუალებითაც ყოველწიურად სხვადასხვა ქვეყნის 50 000 მოქალაქე ამერიკის მწვანე ბარათის მფლობელი ხდება. გათამაშებაში იმ ქვეყნების მოქალაქეები იღებენ მონაწილეობას, საიდანაც აშშ–ში ნაკლებად შედიან იმიგრანტები.

მწვანე ბარათი, ანუ Green Card, აშშ-ს საემიგრაციო სტატუსის დამადასტურებელი ბარათის არაფორმალური სახელია. ამ სტატუსს აშშ-ს მუდმივი რეზიდენტი ეწოდება და მფლობელს უფლებას აძლევს, ლეგალურად იცხოვროს და იმუშაოს ამერიკის შეერთებულ შტატებში, ისარგებლოს სახელმწიფო სამედიცინო დაზღვევით, მიიღოს კრედიტი შეღავათიანი პირობებით და ჰქონდეს აშშ-ს სოციალური დაზღვევის ნომერი (Social Security Number).

მწვანე ბარათის გათამაშებაში მონაწილეობა 3 ოქტომბრიდან 7 ნოემბრის ჩათვლით არის შესაძლებელი. სწორედ ამიტომ საინფრომაციო შეხვედრებს ამერიკის საკონსულოს წარმომადგენლები ქვეყნის სხვადასხვა რეგიონში აქტიურად მართავენ.

„გვნიდოდა რაც შეიძლება მეტი ინფორმაცია მიგვეწოდებინა ამ პროგრამის შესახებ მოსახლეობისთვის. ამ პროგრამის ფარგლებში თქვენ შეგიძლიათ მუდმივად საცხოვრებლად ამერიკაში წახვიდეთ ემიგრაციაში, რაც შეეხება ხარჯებს და ნებისმიერ საკითხს, ეს უკვე თქვენზეა დამოკიდებული. ამერიკის მთავრობა, რაიმე ხარჯებს თქვენთან დაკავშირებით, საკუთარ თავზე არ აიღებს. ეს იქნება მგზავრობა, ცხოვრება, დასაქმება და ა.შ.“, – განაცხადა ამერიკის საელჩოს საკონსულო ოფიცერმა არტურ დაიმონდმა.

მისივე თქმით, მწვანე ბარათის გათამაშებაში მონაწილეობა შეუძლია საქართველოს ყველა მოქალაქეს, ვისაც აქვს საშუალო განათლების დამადასტურებელი დოკუმენტი.

აპლიკანტებს ამერიკის საელჩოს წარმომადგენლები განმცხადებლებს ურჩევენ, რომ განაცხადები სარეგისტრაციო პერიოდის დასაწყისშივე შეიტანონ, რადგან სარეგისტრაციო პერიოდის ბოლოს, დიდი მოთხოვნის გამო, სისტემის მუშაობა შეიძლება საგრძნობლად შენელდეს. კანონმდებლობის თანახმად, ერთ განმცხადებელს მხოლოდ ერთი განაცხადის შევსება შეუძლია. განაცხადის შეტანა უფასოა. განაცხადაი ამ ვებ –გვერდზე უნდ შევსოთ: https://www.dvlottery.state.gov

განაცხადის შევსების შემდეგ 2018 წლის 1 მაისიდან თქვენ უკვე შეძლებთ თქვენი განაცხადის სტატუსის შემოწმებას, თუ შეხვალთ DV-2018 წლის Entrant Ssatus Check განყოფილებაზე და შეიყვანთ თქვენს უნიკალური ნომერს, რომელსაც განაცხადის სრულად შევსების შემდეგ მიიღებთ. აშშ–ს მთავრობა პირადად გამოგიგზავნით ინფორმაციას. სტატუსის შემოწმება არის ძირითადი ინფორმაციის წყარო თქვენი განაცხადის შესახებ.

ამერიკის საელჩოს წარმომადგენლების განმარტებით, მწვანე ბარათი არ ნიშნავს აშშ-ს მოქალაქეობას. აღნიშული ბარათით აპლიკანტი ისევ საქართველოს მოქალაქეა, თუმცა აქვს ამერიკაში ცხოვრების უფლება: „მწვანე ბარათიდან ამერიკის მოქალაქეობამდე ერთი ნაბიჯია, თუმცა ამას დიდი დრო სჭირდება“.

შეხვედრის მონაწილეები დაინტერესდნენ, იმ შემთხვევაში თუ აღნიშნულ გათამაშებაში მიიღებენ მონაწილეობას და ვერ მოიპოვებენ მწვანე ბარათს, მომავალში ხომ არ შეექმნებათ პრობლემები ამერიკაში გამგზავრების დროს. საელჩოს წარმომადგენლებმა ადგილობრივებს განუმარტეს, რომ ეს გავლენას არ იქონიებს, თუმცა დოკუმენტაციის განხილვის დროს, ეს გარემოებაც იქნება გათვალიწინებული.

„ტურისტული ვიზის გასაუბრებისას საკონსულოს წარმომადგენელი უყურებს მთლიან სურათს, რა თქმა უნდა, ეს ერთ–ერთი საკითხია, რასაც შეხედავს, თუმცა არანაირად არ არის ცუდი ფაქტორი თქვენი სავიზო გასაუბრების დროს. ყველას ინდივიდუალურად უდგებიან, შეხედავენ თქვენ წარსულში როგორი მგზავრობის ისტორია გაქვთ, რამდენად ბევრი გარემოება გაკავშირებთ საქართველოსთან, და ა.შ.“, – ამბობს არტურ დაიმონდი.

შეხვედის მონაწილეები ასევე დაინტერესდნენ მწვანე ბარათის გათამაშებით რა სარგებელი აქვს ამერიკის შეერთებულ შტატებს.

„ამერიკაში ჩვენ გვჯერა, რომ რაც მეტი კულტურა იქნება ერთად, ბევრი განსხვავებული იდეა, აზრი და შესძლებლობები იქნება. ზოგადად ამ პრინციპზეა აშენებული ამერიკა“, – განაცხადა არტურ დაიმონდმა.

[თინათინ ზაზაძე, ახალციხე]