მწვანე ბარათის გათამაშება დაიწყო

მწვანე ბარათის, ანუ Green Card–ის გათამაშებაში მონაწილეობისთვის რეგისტრაცია გუშინ, 3 ოქტომბერს დაიწყო და 7 ნოემბერს დასრულდება.

საქართველოში ამერიკის საელჩომ მწვანე ბარათის გათამაშებასთან დაკავშირებით დაინტერესებული მოქალაქეების კითხვებს დღეს, 4 ოქტომერს, 16:00 საათიდან ფეისბუკის გვერდზე უპასუხებს.

მწვანე ბარათის გათამაშებაში მონაწილეობა შეუძლია საქართველოს ყველა მოქალაქეს, ვისაც აქვს საშუალო განათლების დამადასტურებელი დოკუმენტი.

აპლიკანტებს ამერიკის საელჩოს წარმომადგენლები განმცხადებლებს ურჩევენ, რომ განაცხადები სარეგისტრაციო პერიოდის დასაწყისშივე შეიტანონ, რადგან სარეგისტრაციო პერიოდის ბოლოს, დიდი მოთხოვნის გამო, სისტემის მუშაობა შეიძლება საგრძნობლად შენელდეს. კანონმდებლობის თანახმად, ერთ განმცხადებელს მხოლოდ ერთი განაცხადის შევსება შეუძლია. განაცხადის შეტანა უფასოა. განაცხადაი ამ ვებ –გვერდზე უნდ შევსოთ: https://www.dvlottery.state.gov

განაცხადის შევსების შემდეგ 2018 წლის 1 მაისიდან თქვენ უკვე შეძლებთ თქვენი განაცხადის სტატუსის შემოწმებას, თუ შეხვალთ DV-2018 წლის Entrant Ssatus Check განყოფილებაზე და შეიყვანთ თქვენს უნიკალური ნომერს, რომელსაც განაცხადის სრულად შევსების შემდეგ მიიღებთ. აშშ–ს მთავრობა პირადად გამოგიგზავნით ინფორმაციას. სტატუსის შემოწმება არის ძირითადი ინფორმაციის წყარო თქვენი განაცხადის შესახებ.

[თინათინ ზაზაძე, ახალციხე]