ბორჯომმა ტურისტული სეზონისათვის სარეკლამო-საინფორმაციო მასალა გამოსცა

ბორჯომის გამგეობის ინფორმაციით, ბუკლეტი სახელწოდებით „ესტუმრეთ ბორჯომის მუნიციპალიტეტს“ გამოცემულია ინგლისურ და რუსულ ენებზე და მოიცავს ზოგად და კონკრეტულ ინფორმაციას ბორჯომისა და მისი ღირსშესანიშნაობების შესახებ.

თვითმმართველობის ინფორმაციით, გამოცემული მასალა უფასოა და ხელმისაწვდომია ბორჯომისა და ბაკურიანის ტურიზმის საინფორმაციო ცენტრებში.

”ვიზიტორები გაეცნობიან მხარის ისტორიას, მიიღებენ ინფორმაციას მინერალური წყლების, კულტურულ-ისტორული მემკვიდრეობის ძეგლების, დასასვენებელ-გასართობი ადგილების ასევე მუნიციპალიტეტის კურორტების შესახებ. ბუკლეტი მთავრდება ტურისტისათვის საჭირო და გამოსადეგი „მოგზაურის ინფორმაციით“, ტურისტები მიიღებენ ასევე ბორჯომისა და ბაკურიანის მარშრუტების რუკას, რომელიც მოიცავს საფეხმავლო და სამანქანო-საექსკურსიო მარშრუტებს შესაბამისი აღწერილობითა და სურათებით”, - აცხადებენ ბორჯომის მუნიციპალიტეტის გამგეობაში.

[sknews.ge]