9 აპრილის ქუჩაზე ხეივნის და სკვერის მშენებლობა მიმდინარეობს

ოთხი ათასი მესხის სახელობის სკვერი და ხეივანი 9 აპრილის ქუჩის მარჯვენა მხარეს მთელს სიგრძეზე მოეწყობა.

მიმდინარე სამუშაოები ახალციხის მერმა და ინფრასტრუქტურის სამსახურის თანამშრომლებმა დაათვალიერეს.

შეგახსენებთ, რომ ოთხი ათასი მესხის სახელობის ხეივანის გაკეთების იდეა ექიმ თამაზ მათოშვილს ეკუთვნის.

„საქართველოს ისტორიაში ღრმა კვალი დატოვა მესხების ამ ბრძოლამ, რომელმაც თვით ჯალალედინიც კი გააკვირვა. იმ დროს, როდესაც ქართველებმა ვიცით 300 არაგველი, შალვა და ივანე ახალციხელები, ძალიან ცოტამ იცის ოთხი ათასი მესხი გმირის შესახებ. ჩვენი მიზანია ამ ხალხის გმირობა ჩვენმა მომავალმა იცოდეს. მათ მაგალითზე უნდა გაიზარდნონ მომავალი ქართველები“, – განაცხადა თამაზ მათოშვილმა .

[sknews.ge]