გენო პეტრიაშვილი მსოფლიო ჩემპიონი გახდა

გუშინ, 25 აგვისტოს,გენო პეტრიაშვილმა ფინალამდე სამივე მეტოქე ქულების აშკარა უპირატესობით ჩამოიცილა, რუსეთის წარმომადგენელი ანზორ ხიზრიევი 13-2, კანადელი კოეი ჯარვისი 10-0, ნახევარფინალში კი სომხების ქართველი ფალავანი ლევან ბერიანიძე 12-2 დაამარცხა.

ტაჰა აკგული, რომელიც პეტრიაშვილმა ფინალში დაამარცხა, თურქეთის ოლიმპიური და მსოფლიო ჩემპიონია.

ამავე დღეს, ბრინჯაოს მედალი 61 კგ–მდე წონით კატეგორიაში ვლადიმერ ხინჩეგაშვილმა მოპოვა.

ლადო ხინჩეგაშვილმა, რომელიც ახალ წონაში მსოფლიოს ჩემპიონატზე პირველად გამოვიდა, საწყისი ორი შეხვედრის მოგების შემდეგ, 1/4-ფინალში რუს გაჯიმურად რაშიდოვთან წააგო და ბრინჯაოს მედლის მფლობელი გახდა.

საქართველოს ნაკრებიდან დღეს ასევე იასპარეზეს 57 კგ-მდე წონით კატეგორიაში ბექა ლომთაძემ და 86-ში - დავით ხუციშვილმა. ლომთაძემ საკვალიფიკაციო ეტაპი ვერ დაძლია, ხუციშვილმა კი სასტარტო შეხვედრის მოგების შემდეგ, 1/8-ფინალში წააგო.

[sknews.ge]