ჯანდაცვის სამინისტრო: ხანძრის გამო გაცეუმული შეზღუდვები მოიხსნა

ამ ინფორმაციას საგანგებო შტაბი ავრცელებს. შტაბის მიერ გავრცელებული განცხადების თანახმად, გარემოს დაცვის სამინისტრომ სტიქიის ზონების მიმდებარე სოფლებში, კერძოდ, ცემში, სადგერში, დაბაში, წაღვერში, ტბასა და ყვიბისში, ასევე დაბა ბაკურიანსა და ქალაქ ბორჯომში ჰაერის ხარისხის კველევა განახორციელა.

"კვლევების შედეგად ყველა კომპონენტი ზღვრულად დასაშვები ნორმების შესაბამისობაშია. ჯანდაცვის სამინისტროს ინფორმაციით, ბავშვებისთვის, ქრონიკული დაავადებების მქონე მოზარდებისთვის და ორსულებისთვის მანამდე მოქმედი რეკომენდაცია მოხსნილია", – აცხადებენ შტაბში.

შეგახსენებთ, მეხუთე დღეა ბორჯომში ხანძარს აქრობენ. დღეს, 24 აგვისტოს, ყველაზე რთული კერა არდაგანშია.

[ნინო ნარიმანიშვილი, ბორჯომი]