უკანონო სახერხი საამქროები და ხე–ტყის მოპოვების ფაქტები ბორჯომში

გარემოსდაცვითი ზედამხედველობის დეპარტამენტის ინფორმაციით, ბორჯომის მუნიციპალიტეტის სოფელ ბეშეთსა და ვაშლოვანში, მოქალაქეებს ნ.გ-სა და ხ.ზ-ს მოწყობილი ჰქონდათ სახერხი საამქროები, რომლებიც არ არის რეგისტრირებული მერქნული რესურსების მართვის ელექტრონულ სისტემაში. ასევე ერთ-ერთ სახერხ დანადგარზე განთავსებული იყო უკანონოდ მოპოვებული მრგვალი მორები.

"სახერხი დანადგარები დაილუქა და გადატანილია ფინანსთა სამინისტროს მომსახურების სააგენტოში.შედგა შესაბამისი აქტები", - აცხადებენ უწყებაში.

რაც შეეხება ხე-ტყის უკანონოდ მოპოვებისა და ტრანსპორტირების ფაქტებს, დეპარტამენტის ცნობით, ბორჯომის მუნიციპალიტეტის სოფელ ყვიბისში, მოქალაქეებმა განმარტეს, რომ 15 ერთეული 3მ. სიგრძის, 4ერთეული 6მ. სიგრძისა და 20 ერთეული 3მ. სიგრძის წიწვოვანი სახეობის დაუფირნიშებელი ხე-ტყე, თავად მოიპოვეს უკანონოდ და მოახდინეს მისი ტრანსპორტირება.

"შედგა შესაბამისი აქტები. დაილუქა ერთი ერთეული ბენზო ხერხი", – ნათქვამია დეპარტამენტის მიერ გავრცელებულ ინფორმაციაში.

[sknews.ge]