სამცხე-ჯავახეთში შესაძლოა ახალი ჰესი აშენდეს

ინტერესთა გამოხატვა კომპანია "ანადოლუ გრუპ"-ის განაცხადის საფუძველზე გამოცხადდა.

"აბული ჰესის" დადგმული სიმძლავრე 22.2 მვტ-ია, წლიური გამომუშავება კი 119.0 მლნ.კვტ.სთ-ია. პროექტის სავარაუდო საინვესტიციო ღირებულება 46,672,000 დოლარს შეადგენს.

გარდა სამცხე–ჯავახეთისა, ჰესების აშენება იგეგმება ქვემო ქართლსა და აჭარაშიც. ასევე, თბილისში, მდინარე მტკვარზე.

ქვემო-ქართლის რეგიონში, მტკვარზე ასაშენებელი "მტკვრის კასკადი 4 ჰესის" ტექნიკურ-ეკონომიკური კვლევის ჩატარების, მშენებლობის, ფლობის და ოპერირების მიზნით ინტერესთა გამოხატვა შპს "ვმ ელექტრიკი"-ის განაცხადის საფუძველზე გამოცხადდა.

"მტკვრის კასკადი 4 ჰესის" დადგმული სიმძლავრე 78.1 მვტ-ია, წლიური გამომუშავება კი 614.9 მლნ.კვტ.სთ-ია. პროექტის სავარაუდო საინვესტიციო ღირებულება 136,675,000 დოლარს შეადგენს.

რაც შეეხება აჭარის რეგიონს, მდინარე კინტრიშიზე ასაშენებელი "კოხი ჰესის" ტექნიკურ-ეკონომიკური კვლევის ჩატარების, მშენებლობის, ფლობის და ოპერირების მიზნით ინტერესთა გამოხატვა სამინისტრომ შპს "სანი ვეი"-ს განაცხადის საფუძველზე გამოაცხადა.

"კოხი ჰესის" დადგმული სიმძლავრე 11.20 მვტ-ია, წლიური გამომუშავება კი 43.10 მლნ.კვტ.სთ-ია. პროექტის სავარაუდო საინვესტიციო ღირებულება 21,000,000 დოლარს შეადგენს.

ასევე გამოცხადდა ინტერესთა გამოხატვა თბილისში მდინარე მტკვარზე ასაშენებელი "დიღომი ჰესის" შესახებ.

[sknews.ge]