ახალქალაქში ვალუტის გადამცვლელი ჯიხურის მეპატრონე დააყაჩაღეს

რადიო "ნორის" ინფორმაციით, შემთხვევა დღეს, დილით, დაახლოებით 07:00 საათზე მოხდა. 1959 წელს დაბადებულ სოს ჰ.–ს ორი ნიღბიანი პირი მაშინ დაესხა თავს, როდესაც ის კუთვნილ ავტომანქანაში ჯდებოდა და სამსახურში მიდიოდა.

ნიღბიანმა პირებმა მძიმე საგანი რამდენჯერმე ჩაარტყეს თავში მოქალაქეს და ავტომანქანიდან რამდენიმე ათასი დოლარი წაიღეს.

დაზარალებული ამ დროისათვის ახალქალაქის რეფერალურ საავადმყოფოში იმყოფება, მისი ჯანმრთელობის მდგომარეობა სტაბილურია.

დაზარალებულს ახალქალაქში ვალუტის გადამცვლელი ჯიხური აქვს.

საქართველოს შინაგან საქმეთა სამინისტროს ცნობით, მომხდარზე ძიება 179–ე, ყაჩაღობის მუხლით მიმდინარეობს.

[ნინო ნარიმანიშვილი, ახალქალაქი]