'ცვლილებები იწყება ჩვენგან' – პროექტის შეჯამება

შეხვედრა სასტუმრო „ლომსიაში“ გაიმართა. საინიციატივო ჯგუფის წევრებმა ორთვიანი პროექტი შეაჯამეს და პროექტის ფარგლებში გამოცხადებული ვიდორგოლების კონკურსის გამარჯვებულები დააჯილდოვეს.

როგორც პროექტის ავტორები განმარტავენ, პროექტის ფარგლებში ახალციხის ხუთ საჯარო სკოლაში ადრეულ ქორწინების თემასთან დაკავშირებით, ცნობიერების ამაღლების მიზნით საინფორმაციო შეხვედრები გაიმართა.

პროექტში 75 უფროსკლასელი მოსწავლე იყო ჩართული. მათ ფილმი „გრძელი ნათელი დღეები“ უჩვენეს. ფილმი 90–იანი წლების პერიოდზე, 14 წლის გოგონას მოტაცებასა და ნაადრევი ქორწინებით გამოწვეულ პრობლემებზე მოგვითხრობს.

შეხვედრების ციკლის დასრულების შემდეგ, ორგანიზაციამ ნაადრევი ქორწინების თემაზე ვიდეორგოლების კონკურსი გამოაცხადა. დღეს ამ კონკურსის ორ გამარჯვებულს ფულადი ჯილდო – 100 –100 ევრო გადასცეს.

„ეს საკითხი აქტუალურია ნამდვილად, ჩვენს საზოგადოებაში, სამწუხაროდ, დღეს დგას ადრეული ქორწინების პრობლემა . ვინც ადრე ქორწინდება, ხშირ შემთვევაში მის მომავალს, განვითარებასა და ეკონომიკურ აქტივობას საფრთხე ემუქრება. ბევრ გოგონას სკოლის მიტოვებაც კი უწევს გათხოვების გამო“, – ამბობს ახალციხის „ქალთა ოთახის“ მენეჯერი ნინო რუხაძე, რომელის დღევანდელ შეხვედრას ესწრებოდა.

პროექტი ორთვიანი იყო და ორგანიზაციის "ქალთა ფონდი საქართველოში" ფინანსური მხარდაჭერით განხორციელდა.





[მარიამ ბარძიმაძე, ახალციხე]