რა იყო რთული აბიტურიენტებისთვის ზოგადი უნარების გამოცდაზე

რეგისტრირებული 315 აბიტურიენტიდან დღეს პირველ სესიაზე 310 გამოცხადდა.

ლადა მარიახინი, რომელსაც თბილისის სახელმწიფო უნივერსიტეტში ფსიქოლოგიის ფაკულტეტზე უნდა ჩაბარება, ამბობს რომ განსაკუთრებით რთული ტესტის მათემატიკური ნაწილი იყო: „მონაცემთა ანალიზის გაკეთება გამიჭრიდა, ცოტა მეტი რომ მეფიქრა, ალბათ მაგასაც დავწერდი. დანარჩენს ყველაფერს თავი მარტივად გავართვი“.

მისივე თქმით ის დრო რაც მათემატიკირ ნაწილს ეთმობა ძალიან ცოტაა: „მატემატიკისთვის საათი და 35 წუთი ცოტა იყო ნამდვილად, რადგან ამოხსნას და გამოთვლას მეტი დრო სჭირდება. მერე პასუხებშიც ხომ უნდა გადაიტანო ეს გამოთვლილი და გეშინია, შეცდომა არ დაუშვა და ფრთხილობ“, – განმარტა მარიახინმა.

ლადასგან განსხვავებით მათემატიკური ნაწილი შედარებით მარტივი დასაძლევი აღმოჩნდა ლელა გოგოლაძისთვის: „მე ვერბალური ნაწილი გამიჭირდა, წინადადებების ჩასმა შედარებით რთული იყო“.

დღეს აბიტურიენტებმა, რომლებიც პირველ სესიაზე შევიდნენ, ტესტის მესამე ვარიანტი დაწერეს.

ზოგადი უნარების გამოცდას ორი დღე, 6 და 7 ივლისი ეთობა.

შეგახსენებთ, რომ ზოგადი უნარების გამოცდა 3 საათსა და 10 წუთს გრძელდება. აბიტურიენტები ტესტს ორ ნაწილად დაწერენ. 1 საათი და 35 წუთი ტესტის ვერბალურ ნაწილს დაეთმობა ხოლო დარჩენილი დრო მათემატიკურ ნაწილს.

გამოცდის მეორე სესიის რეგისტრაცია 14:00 საათზე დაიწყება.

[მარიამ ბარძიმაძე, ახალციხე]