აბასთუმნის ყოფილი რწმუნებული ბრალს არ აღიარებს

მერაბიშვილს 2012 წლის 7 ივნისს ადიგენის მუნიციპალიტეტის გამგეობის მიერ გამოცხადებულ ტენდერში გამარჯვების შედეგად დაბასა და 6 სოფელში განათებები უნდა დაემონტაჟებინა. როგორც ბრალდების მხარე აცხადებს 149 განათების ნაცვლად მან მხოლოდ 49 გააკეთა. ზიანი 4 000 ლარს შეადგენს.

როგორც ახალციხის რაიონული სასამართლოს მენეჯერი ნინო ჩიგოგა გვიხსნის, მერაბიშვილი ბრალს არ აღიარებს: ”აცხადებს, რომ ეს მექანიკური შეცდომა იყო, 49-ის ნაცვლად საბუთებში მითითებული 149 იყო. თქვა, რომ შემემჩნია მარტივი გამოსასწორებელი იყო და შევცვლიდითო”.

მერაბიშვილს ტენდერში გამარჯვების შემდეგ სამუშაოების შესასრულებლად 54 ათასი ლარი ჩაერიცხა.

შეგახსენებთ, რომ აბასთუმნის მკვიდრი ანტონ მერაბიშვილი საქართველოს ფინანსთა სამინისტროს საგამოძიებო სამსახურის თანამშრომლებმა დააკავეს. და მას მას ბრალი 182-ე მუხლის მეორე ნაწილით, გე ქვეპუნქტით ედება. რაც თავისუფლების აღკვეთას 4-დან 7 წლამდე ითვალისწინებს.

მერაბიშვილს აღკვეთი ღონისძიების სახით გირაო 40 ათასი ლარი შეეფარდა, თუმცა, გირაოს უზრუნველყოფამდე იგი პატიმრობაში რჩება.

[თამუნა უჩიძე, ახალციხე]