ადიგენში მამიდა და ძმისშვილი მდინარეში დაიხრჩვნენ

შემთხვევა, დღეს, 5 ივლისს, მოხდა, სასწრაფო დახმარების სამსახურში შეტყობინება 16:44 საათზე შევიდა.

როგორც ადგილობრივები ყვებიან, 8 წლის ბიჭი მეგობრებთან ერთად მდინარეში ბანაობდა, რა დროსაც დინებამ გაიტაცა, მამიდა წყალში მის საშველად გადახტა და ისიც დინებამ წაიღო.

„თოკები ყოფილა ჩამოკიდებული და ზედ თამაშობდნენ. ბავშვს ხელი გაუცურდა დ ჩავარდა, წყალმა რომ წაიღო, მამიდაც გადახტა, ბეტონებია, ფეხი ვერ მოიკიდეს და ორივე დაიხრჩვნენ“, – განაცხადა სატელეფონო საუბარში ადიგენის საკრებულოს დეპუტატმა გოჩა ჯანელიძემ

ადგილობრივების განმარტებით, მცირეწლოვანი ბავშვი სოფელ ხევაშენში ცხოვრობდა და ადიგენში მამიდასთან სტუმრად იმყოფებოდა.

გარდაცვლილები ახალციხის რაიონულ პროზექტურაში არიან გადასვენებული.

[თინათინ ზაზაძე, ადიგენი]