„დაავადებათა კონტროლის ცენტრი” მოსახლეობას აფრთხილებს

„დაავადების კონტროლის ცენტრი“ მოსახლეობას მოუწოდებს მზის განსაკუთრებით აქტიურ პერიოდში, თავი შეიკავონ მზის პირდაპირი სხივების ქვეშ ყოფნსაგან.

"დაავადებათა კონტროლის ცენტრის" არაგადამდებ დაავადებათა დეპარტამენტის უფროსის ლელა სტურუას განაცხადებით, ამ პერიოდში მზის სხივების პირდაპირმა ზემოქმედებამ შეიძლება გამოიწვიოს კანის დაზიანება, რაც შეიძლება გამოხატული იყოს შეწითლებით, ჭორფლის გამოყრით, ალერგიული რეაქიებით, ბუშტუკოვანი გამონაყარით.

"გარდა ამისა შეიძლება იყოს მზის დაკვრა, რომელიც გამოხატულია ტემპერატურის მატებით, გონების დაკაგვით და ა.შ. თუ კი ეს მდგომარეობა სიმწვავით ხასიათდება, აუცილეებელია მივმართოთ ექიმს", - განმარტავს ლელა სტურუა.

მისივე განცხადებით, მზეზე ყოფნისას რეკომენდირებულია რომ გვეცვას ღია ფერის, ბუნებრივი ქსოვილისგან დამზადებული ტანსაცმელი, მჭიდროდ არ უნდა გვქონდეს ტანზე მომდგარი და მნიშვნელოვანია გვქონდეს ფართო ფარფლებიანი ქუდი.

"კანი უნდა დავიცვათ ასევე დამცავი ფაქტორის შემცველი კრემით. აუცილებელია თვალების დაცვა, ვინაიდან მზის სხივების ზემოქმედება მნიშვნელოვანწილად არის დაკავშირებული კატარაქტის განვითარებასთან. ამიტომ საჭიროა, რომ მზისგან დამცავი სათვალეც გვქონდეს", - ამბობენ "დაავადებათა კონტროლის ცენტრში".

[sknews.ge]