საპატიო ახალციხელების კანდიდატების დასახელება დაიწყო

მესხეთის თეატრის ადმინისტრაციის სამსახურის უფროსმა შალვა ტაბატაძემ კომისიას ორი ორი კანდიდადატურა, სამუსიკო სკოლის დირექტორი ცისანა ახვლედიანი და მსახიობი გალინა ხვიჩია წარუდგინა. მან დღეს, 16 ივნისს, ქალაქის მერს, საკრებულოს წევრებსა და საზოგადოებრივი დარბაზის წარმომადგენლებს კანდიდატების ბიოგრაფიები გააცნო.

ახალციხის მერის ვლადიმერ ზედგინიძის განმარტებით, კომისიაში კიდევ ხუთი განცხადებაა შესული, თუმცა მათ ვინაობას საპატიო მოქალაქეების გამოველნამდე არ დაასახელებს.

შეგახსენებთ, რომ ახალციხის საპატიო მოქალაქეს 20 კაციანი კომისია გამოავლენს, რომელის ხელმძღვანელი ქალაქის მერი ვლადიმერ ზედგინიძეა.

კანდიდატებთან დაკავშირებით, საკუთარი მოსაზრებების მერიაში დაფიქსირება მოქალაქეებს 20 ივნისამდე შეუძლიათ. შემდეგ კი კომისია სამ საპატიო მოქალაქეს ფარული კენჭისყრით 25 ივნისამდე გამოავლენს.

საპატიო მოქალაქეების დაჯილდოვება, შალვა ახალციხელი ხსენების დღეს, 30 ივნისს გაიმართება.

[თინათინ ზაზაძე, ახალციხე]