მერიაში საპატიო მოქალაქეობის კანდიდატების წარსადგენად განაცხადების შეტანა დაიწყო

ამის შესახებ ახალციხის მუნიციპალიტეტის მერიამ საპატიო მოქალაქის წოდების მინიჭების შესახებ წესი დღეს გამოაქვეყნა.



მუნიციპალიტეტის მერს;

საკრებულოს თავმჯდომარეს;

საკრებულოს სიითი შემადგენლობის 1/3;

მოქალაქეთა საინიციატივო ჯგუფს, მუნიციპალიტეტის ამომრჩეველთა არანაკლებ 1%–ის ხელმოწერით;

ახალციხის მუნიციპალიტეტის საკრებულოს საზოგადოებრივ დარბაზს.



განსაკუთრებული დამსახურება უნდა ჰქონდეს ახალციხის მუნიციპალიტეტის ან საქართველოს წინაშე;

მნიშვნელოვანი წვლილი უნდა ჰქონდეს შეტანილი ახალციხის მუნიციპალიტეტის ან საქართველოს განვითარების საქმეში;

მნიშვნელოვანი წვლილი უნდა ჰქონდეს შეტანილი ახალციხის მუნიციპალიტეტის მეგობრული კავშირების განმტკიცებაში.

უფლებამოსილი პირების მიერ განაცხადების შეტანის შემდეგ, სპეციალურად შექმნილი 11 –კაციანი კომისია, წარდგენილი კანდიდატურების განხილვას დაიწყებს და წევრთა სიითი შემადგენლობის უმრავლესობით გადაწყვეტილებას კენჭისყრით მიიღებს. ერთი კვირის ვადაში კი მიღებულ გადაწყვეტილებას საკრებულოს აცნობებს.

შერჩეულ სამ საპატიო მოქალაქეს საზეიმო ვითარებაში 30 ივნისს „ახალციხელობის“ დღესასწაულზე დაასახელებენ.
შეგახსენებთ, რომ 2017 წელს სამი საპატიო მოქალაქე აირჩიეს. ეს სტატუსი ცისანა ახვლედიანმა, ზიგმუნდ ზილბერშტეინმა და დევიდ ფოლკნერმა მიიღეს. ახალციხეს ამ ეტაპზე 16 საპატიო მოქალაქე ჰყავს.

[ლუბა გიორგაძე, ახალციხე]