16 წლის გოგონას საქმე სააპელაციოში გაასაჩივრეს

ახალქალაქში, 16 წლის გოგონას ადვოკატმა ირაკლი ბარძიმაძემ ახალქალაქის რაიონული სასამართლოს გამამტყუნებელი განაჩენი სააპელაციო სასამართლოში გაასაჩივრა. საჩივარი სასამართლომ წარმოებაში უკვე მიიღო და პირველი პროცესი 15 ივნისს ჩაინიშნა.

„მეორე მხარეს ახალქალაქის სასამართლოს გადაწყვეტილება არ გაუსაჩივრებია“, – აცხადებს ბარძიმაძე.

იგი ახალციხის რაიონული სასამართლოს გადაწყვეტილების ბათილად ცნობას და მისი დაცვის ქვეშ მყოფებისთვის, 16 წლის გოგოსა და მისი დეიდისთვის გამამართლებელი განაჩენის გამოტანას ითხოვს.

შეგახსენებთ, რომ ახალქალაქის რაიონულმა სასამართლომ, ექვსთვიანი განხილვის შემდეგ, გამატყუნებელი განაჩენი გამოიტანა.

აღნიშნულ საქმეში ახალქალაქის ერთ–ერთ სოფელში მცხოვრები 16 წლის გოგონა და მისი დედა ბრალდებულებიც იყვნენ და დაზარალებულებიც. ასევე, ამავე სოფელში მცხოვრები 16 წლის ბიჭი და მისი ბიცოლაც, იყვნენ როგორც ბრალდებულები, ასევე დაზარალებულები;

მხარეებმა გასული წლის 6 აგვისტოს სოფელში იჩხუბეს. ამიტომ სამცხე–ჯავახეთის საოლქო პროკურატურამ ოთხივე მათგანი პასუხისგებაში სისხლის სამართლის კოდექსის 125–ე მუხლით მისცა, რაც ცემას გულისხმობს.

სასამართლოს გადაწყვეტილებით ამავე მუხლით (ძველი რედაქციით „ს.კ“) ოთხივე ბრალდებული დამნაშავედ იქნა ცნობილი.

არასრულწლოვნებს შინა პატიმრობა მიესაჯათ. გოგონას 6 თვე, ბიჭს კი 9 თვე. მათ სახლში ყოფნა 23:00 საათიდან 11:00 საათამდე ევალებათ. უფროსებს კი ჯარიმა 600–600 ლარი დაეკისრათ.

[თამუნა უჩიძე, ახალქალაქი]