„ძველი და ახალი ახალციხე“ – გამოფენა "ახალციხის ციხეზე"

გამოფენაზე 45 ნამუშევარია გამოტანილი და მათი ნახვა მსურველებს 5 ივლისამდე შეეძლებათ.

„ამ გამოფენას საფუძველი 6 თვის წინ ჩაეყარა. მუსაობა ისევ მიმდინარეობს და ყოველდღიურად ვაგროვებთ ძველ და ახალ სურათებს“, – ამბობს ახალციხის მერიის კულტურისა და განათლების განყოფილების უფროსი მარინა მერაბიშვილი.

ახალციხის მერიამ გამოფენასთან ერთად, ასევე ძველი და ახალი ახალციხის ფოტოებით ალბომიც გააკეთა.

„ამ ალბომის ყდის ავტორი ბულგარელი ფოტოგრაფი ივან ტანკევია. მას ევროპაში ძალიან ბევრი პერსონალური გამოფენა აქვს გაკეთებული“,– ამბობს მარინა მერაბიშვილი.

ალბომი საჩუქრად გამოფენილი სურათების ავტორებს გადაეცათ.











[მარიამ ბარძიმაძე, ახალციხე]