მოსათიბი ტროტუარი ახალციხის ცენტრალურ ქუჩაზე [Photo]

ახალციხეში, ცენტრალურ გზაზე, რუსთაველის ქუჩის ფეხით სავალ ნაწილზე ბალახი ისეა ამოსული, რომ გავლა შეუძლებელია.

„ქალაქში მოედნებს თიბავენ, ეს „კეთილმოწყობის“ კომპეტენციია და მათ დაუკავშირდით“, – გვითხრეს ახალციხის მერიაში.

შეკითხვაზე, რამდენად ნორმალურია ის, რომ ქალაქის ცენტრალურ ქუჩაზე, ასფალტზე ამოსული ბალახი ისეთივე გასათიბია, როგორც მოედნები, მერიაში გვპასუხობენ: „ბალახი რომ არის გზაზე ამოსული, ის „კეთილმოწყობამ“ უნდა გაასუფთაოს“.

შპს „კეთილმოწყობის“ უფროსი გიორგი ლონდარიძე აცხადებს, რომ ცენტრალურ ქუჩაზე ასფალტზე ამოსულ ბალახს წელიწადში ორ–სამჯერ თიბავენ: „2012 წლიდან ამ სამსახურში ვარ და მანდ სულ ვთიბავთ. ალბათ ასფალტი აღარცაა“.

ლონდარიძის თქმით, ქუჩზე ბალახს დღეს ან ხვალ დღის ბოლომდე გათიბავენ: „გამწვანების ღონისძიებების გამო დაგვიგვიანდა. აუცილებლად გავთიბავთ“.

ახალციხის მერიას კი ქალაქში რუსთაველის ქუჩის ნაწილის რეაბილიტაცია მიმდინარე წელს გათვალისწინებული არ აქვს.









[თამუნა უჩიძე, ახალციხე]