დეპუტატები ახალციხის თემში, რომლებმაც ქალაქთან მიერთებას მხარი დაუჭირეს [Video]

ახალციხის მუნიციპალუიტეტის თემის საკრებულოს უმრავლესობამ ქალაქისა და სოფლის გაერთიანებას მხარი ერთხმად დაუჭირა.

თემის საკრებულოში, ქალაქთან მიერთებას მხარი დაუჭირეს: ლევან ლაფაჩმა, ვასილ სისვაძემ, რომან გორგოძემ, ბიძინა გოგოლაძემ, ტიგრან მელქონიანმა, შალვა შენგელიამ, თამარ გოგინაშვილმა, დავით ლომიძემ, მაია ინასარიძემ, გიორგი ზაქროშვილმა, ალექსი ლაბაძემ, იოსებ კაპანაძემ, გელა ნიზაძემ, თეიმურაზ ბარძიმაძემ, არტაშეს ბალასანიანმა, პაიცარ მანასიანმა, თეიმურაზ უჩიძემ, არუთუნ აგაბაბიანმა, ბესიკ გოქსაძემ, სედა ნახაპეტიანმა და მკრტიჩ გინოსიანმა.

ხოლო, უმრავლესობის დეპუტატებიდან ერთადერთი მერი ხაბეიშვილი იყო, რომელიც 19 მაისს, საკრებულოს სხდომას არ დასწრებია და შესაბამისად კენჭისყრაში მონაწილეობა არ მიუღია.

რაც შეეხება თემის საკრებულოს ოპოზიციური პარტიების წარმომადგენლებს, სხდომას „ევროპული საქართველოდან“ ირინა გელაშვილი და რობერტ მურადიანი დაესწრნენ, რომლებიც კენჭისყრის პროცესს აღარ დაელოდნენ და პროტესტის ნიშნად დარბაზი დატოვეს. პარტიის დანარჩენი ორი წევრი, მაკა სუდაძე და კახა მოდებაძე სხდომას არ ესწრებოდნენ.

თემის საკრებულოში შემავალი კიდევ ერთი ფრაქციიდან „ნაციონალური მოძრაობიდან“ კი სხდომას მხოლოდ ტარიელ ტაბატაძე ესწრებოდა, რომელმაც კენჭისყრაშიც მიიღო მონაწილეობა, თუმცა თემის ქალაქთან მიერთებას მხარი არ დაუჭირა. რაც შეეხება ფრაქციის სხვა წევრებს კახაბერ მოდებაძეს, კობა სანდროშვილსა და ამირან ბუხრიკიძეს, 19 მაისის საკრებულოს სხდომას არც ისინი დასწრებიან.



შეგახსენებთ, რომ ახალციხის თემში, საკრებულოს რიგგარეშე სხდომა, სადაც ქალაქისა და თემის გაერთიანების საკითხს განიხილავდნენ 19 მაისს გაიმართა. თემის 21–მა დეპუტატმა მხარი ქალაქისა და თემის შეერთებას დაუჭირა, წინააღმდეგი კი მხოლოდ ერთი დეპუტატი წავიდა.

[ლუბა გიორგაძე, ბექა გასიტაშვილი– ახალციხე]