ახალციხის საოლქო საარჩევნო კომისია მოსახლეობას შეხვდა [Photo]

დღეს, 30 აპრილს, N37 ახალციხის საოლქო საარჩევნო კომისიის წევრებმა მოსახლეობასთან შეხვედრები ქალაქის აგრარული ბაზრისა და ავტოსაგდურის ტერიტორიაზე მოაწყეს. მათ მცხოვრებლებს ბროშურები დაურიგეს და საარჩევნო ადმინისტრაციის მუშაობის, ასევე 2017 წლის თვითმმართველობის არჩევნების შესახებ ინფორმაცია მიაწოდეს.

აქტივობა საარჩევნო ადმინისრაციის ახალი ინიციტივის "ვესაუბრები ამომრჩეველს" ფარგლებში გაიმართა. ინიციტივის სლოგანია – "ახლოს ამომრჩეველთან", რაც ამომრჩევლებსა და საარჩევნო ადმინისტრაციებს შორის უშუალო და ეფექტურ კომუნიკაციას გულისხმობს.

"ეს არ იქნება ერთჯერადი აქცია, ვაპირებთ მუნიციპალიტეტის ტერიტორიაზე სხვადასხვა სოფლებში გასვლას. ასევე გვექნება ღია კარის დღე. თუმცა ამომრჩევლებს ნებისმიერ დროს შეუძლიათ მოგვმართონ, საოლქო საარჩევნო კომისიაში და ჩვენ მივაწვდით მათ საინტერსო ინფორმაციას, არჩევნებთან დაკავშირებით" – განმარტა N37 ახალციხის საოლქო საარჩევნო კომისიის თავმჯდომარემ თეა გავაშელმა.

მისივე ინფორმაციით, გასვლითი შეხვედრებით, საარჩევნო ადმინისტრაცია მიზნად ისახავს ამომრჩეველი იყოს კარგად ინფორმირებული, იცოდეს საკუთარი საარჩევნო უფლებები და გაიგოს თუ რა კეთდება საარჩევნო პროცესების ეფექტურად განხორციელებისთვის.

ახალციხის საოლქო საარჩევნო კოსმიის წევრებთან ერთად, საინფორმაციო აქციაში მოხალისე ახალგაზრდებიც ჩაერთვნენ.

"აღმოჩნდა, რომ საარჩევნო ადმინისტრაციის მუშაობას მოსახლეობა კარგად არ იცნობს და საჭიროა მსგავსი აქციებით ამ ადამიანებმადე მივიტანოთ ინფორმაცია. მათ უნდა იცოდნენ რომ საარჩევნო ადმინისტრაცია არცერთ პოლიტიკურ პარტიას არ ეკუთვნის. ასეთი აქციები სწორედ ცნობიერების ამაღლებას ემსახურება და მეც ამიტომ ჩავერთე"– ამბობს მოხალისე ლაშა ჩილაშვილი.

გასვლითი შეხვედრების გარდა, N37 ახალციხის საოლქო საარჩევნო კომისია, საარჩევნო საკითხებზე სასაუბროდ, ღია კარის დღესაც გამართავს. მისი თარიღი ადგილობრივებს გასვლითი შეხვდერების დროს ეცნობებათ.







[თაკო ფეიქრიშვილი, ახალციხე]