ბორჯომში ხელნაწერთა ცენტრში დაცული ექსპონატები გამოფინეს [Photos]

გამოფენაზე თავმოყრილია ხელნაწერთა ეროვნულ ცენტრში დაცული ის წერილები, ჩანაწერები, ფოტოები და ხელნაწერები, რომლებიც ქართველი ხალხის ევროპასთან ურთიერთობის ამსახველ უნიკალურ ძეგლებს წარმოადგენს.

ღონისძიების მიზანია საზოგადოებას კიდევ ერთხელ დაანახოს, რომ საუკუნეების განმავლობაში საქართველოსა და ევროპას მჭიდრო კავშირი ჰქონდა. ამის უტყუარი და საუკეთესო დასტური კი სწორედ ხელნაწერი მემკვიდრეობაა.

გამოფენა ბორჯომში 30 აპრილამდე გაგრძელდება და ნებისმიერ მსურველს საშუალება მიეცემა დაათვალიეროს ექსპოზიცია.

გამოფენის ორგანიზატორები კ. კეკელიძის სახელობის საქართველოს ხელნაწერთა ეროვნულ ცენტრთან ერთად არიან საქართველოს საგარეო საქმეთა სამინისტრო, განათლებისა და მეცნიერების სამინისტრო და ბორჯომის კულტურისა და ხელოვნების ცენტრი.



















[sknews.ge]