პროექტი 'კინო სკოლაში' ახალ სეზონს იწყებს

„კინო სკოლაში" კინოგანათლების პოპულარიზაციაზე ორიენტირებული პროექტია, რომელიც მიზნად ისახავს მოზარდებში კრიტიკული აზროვნებისა და შემოქმედებითი უნარების განვითარებას.

პროექტი მეოთხე წელია მიმდინარეობს, წელს, „კინო სკოლაში“ აქტიურად ითანამშრომლებს განათლებისა და მეცნიერების სამინისტროს „თავისუფალი გაკვეთილების“ პროგრამასთან, რომლის ფარგლებშიც, კინოჩვენებებსა და დისკუსიებს კინოსპეციალისტებთან ერთად სკოლის პედაგოგებიც ჩაატარებენ.

2014-2016 წლებში - 445 სკოლაში ჩატარდა, 6800-მდე ჩვენება; 2017 წელს კი დაგეგმილია 217 სკოლაში 3906 ჩვენება.

პროექტმა "კინო სკოლაში" 2016 წელს Creative Europe-ს დაფინანსება მიიღო, რაც ნიშნავს იმას, რომ 2017 წლიდან პროექტს კინოგანათლების კუთხით ევროპული გამოცდილების გაზიარების შესაძლებლობა ექნება.

[sknews.ge]