ახალციხელმა სპორტსმენმა კიკბოქსინგის ტურნირზე პირველი ადგილი აიღო [Photo/Video]

კიკბოქსინგის საერთაშორისო ტურნირი ახალქალაქში 25–26 მარტს მიმდინარეობდა. ტურნირში, საქართველოსა და სომხეთიდან, 160 სპორტსმენი მონაწილეობდა.

კიკბოქსინგი არის სპორტული ორთაბრძოლა, რომელიც 1960-იან წლებში აღმოცენდა. განასხვავებენ ამერიკულ კიკბოქსინგს (სრული კონტაქტი, სრული კონტაქტი დაბალი დარტყმით, ნახევრად კონტაქტი, მსუბუქი კონტაქტი, მსუბუქი დარტყმით), იაპონურ კიკბოქსინგს (K-1 ფორმატის), სოლო კომპოზიციებს (მუსიკალური ფორმები). ფართო გაგებით, სიტყვა "კიკბიქსინგში" ზოგჯერ გვესმის სხვადასხვა კონტაქტური ორთაბრძოლები, რომელთა წესებით ნებადართულია დარტყმები ხელებით და ფეხებით, ეკიპირებაში კრივის ხელთათმანების გამოყენებით.




ტურნირი, ახალქალაქის სპორტულ კომპლექსში, საქართველოს კიკ–ბოქსინგისა და ტაი–ბოქსინგის ფედერაციის ორგანიზებით ჩატარდა. როგორც ორგანიზატორები ამბობენ, სხვადასხვა ჯილდო ტურნირის 120–მა მონაწილემ მიიღო.

„სომხეთიდან მონაწილეები გიუმრიდან, ერევნიდან და არმავირიდან იყვნენ, საქართველოდან კი თბილისის, ზუგდიდის, გორის, ქუთაისის, ახალციხის, ახალქალაქისა და ნინოწმინდის მცხოვრებლები მონაწილეობდნენ“, – განაცხადა jnews.ge-სთან საუბარში ახალქალაქის მუნიციპალიტეტის გამგეობის კულტურისა და სპორტის განყოფილების უფროსმა ვალერი სტელმაშოვმა




მისივე ინფორმაციით, ახალქალაქის, ტრენერ სერგეი ტონაკანიანის გუნდმა, 6 ოქრო, 4 ვერცხლი დ 1 ბრინჯაოს მედალი მიიღო; ასევე ახალქალაქის, თუმცა, ტრენერ პოღოს ჩივჩიანის გუნდმა კი 4 ოქრო და 2 ვერცხლი;

ნინოწმინდელმა სპორტსმენებმა ორი მეორე ადგილი მოიპოვეს. ახალციხელმა მონაწილემ, ირაკლი ნოზაძემ, კი პირველი ადგილი და ოქროს მედალი მიიღო.




11 წლის ირაკლი ნოზაძეს ჯილდო 35 კილოგრამ წონით კატეგორიაში გამარჯვებისთვის ერგო.

„ველოდი წარმატებას, მომზადებული ვიყავი, ვვარჯიშობდი ყოველდღე და მასწავლებელიც ხელს მიწყობდა“, – ამბობს ირაკლი, რომელიც სპორტის ამ სახეობას სამი წელია მიყვება.

როგორც მისი მწვრთნელი, ზურა ნაროზაული ამბობს, ეს ირაკლის პირველი სერიოზული შეჯიბრი იყო: „ტურნირზე მხოლოდ ირაკლი მყავდა გაყვანილი. ძალიან კმაყოფილი ვარ, ყოჩაღი ბიჭია, უშიშარია, არ დაიბნა და გაიმარჯვა“.

როგორც ნაროზაული განმარტავს, მათ გამარჯვება მხოლოდ კიკ–ბოქსინგში (ფეხით და ხელით ჩხუბი) მოიპოვეს, რადგან 1997 წლის ზევით დაბადებული მონაწილეებისთის, მხოლოდ ეს სახეობა იყო. რაც შეეხება ტაი–ბოქსინგს, ანუ ბრძოლას k1 წესებით( ჩხუბი ფეხის, ხელის, მუხლის და იდაყვის დახმარებით) მას იყენებდნენ მხოლოდ 1996–97 წელში დაბადებული სპორტსმენები.




[მარიამ ბარძიმაძე, ახალციხე]