სად არის მეუფე სერაფიმე

ბორჯომელი მრევლის ნაწილი, შვიდგზის ზეთის ცხებას, გუშინ, 26 მარტს, დარიალის ხეობაში, მთავარანგელოზის სახელობის ტაძარში დაესწრო. ბორჯომიდან წასულებს, ზეთი ყოფილმა ეპისკოპოსმა, მეუფე სერაფმემ აცხო.

მრევლი, ირაკლი კვირკველია ამბობს, რომ მეუფე სერაფიმეს მოსანახულებლად და ზეთის საცხებად ბორჯომიდან დარიალის ხეობაში 300–მდე ადამიანი წავიდა: „ვინც ვიყავით, ყველამ ვიცხეთ ზეთი. ბოლო დროს მეუფე სერაფიმე დარიელის ხეობაშია და იქ წირავს.

ბორჯომის ყოფილი მიტროპოლიტი რომ უმეტესად დარიალის ხეობაში, მამათა მონასტერშია, ამაზე მისი მეგობარი მამა ფოკაც საუბრობს: „ძირითადად იქ არის ხოლმე. ზეთისცხების მსურველები ჩამოვიდნენ ბორჯომიდან, თან მოილოცეს დარიალის ხეობა“.

შეგახსენებთ, რომ ბორჯომის ყოფილ ეპისკოპოსს არასრულწლოვანთან სქესობრივი კავშირის მცდელობაში ადანაშაულებენ; ამის გამო, სერაფიმე ჯოჯუამ ბორჯომის ეპარქია 2016 წლის 24 აპრილს დატოვა.

[თამუნა უჩიძე, ახალციხე]