ღია კარის დღე შსს-ს აკადემიაში

სტუმრებს შსს-ს აკადემიის რექტორმა გივი მიქანაძემ თანამშრომლებთან და აკადემიის კურსდამთავრებულთა საზოგადოების მაგისტრებთან ერთად უმასპინძლა.

აკადემიის წარმომადგენლებმა ღონისძიების დამსწრე საზოგადოებას შსს-ს აკადემიის შესახებ პრეზენტაცია წარუდგინეს და სასწავლებლის ინფრასტრუქტურა დაათვალიერებინეს.

შსს-ს აკადემიას საბაკალავრო პროგრამაზე 100 ადგილი აქვს გამოცხადებული. სტუდენტები გაივლიან საპოლიციო საქმიანობისთვის აუცილებელ სასწავლო კურსებს, რომელთა გავლა მხოლოდ შსს-ს აკადემიაშია შესაძლებელი. აღნიშნული პროგრამა 4 წლიანია და 240 კრედიტს მოიცავს. პროგრამა ასევე ითვალისწინებს საპოლიციო საქმიანობის განხორციელებისათვის აუცილებელი ცოდნისა და უნარების შესაძენ კომპონენტებს, რაც მას განათლების ბაზარზე უნიკალურს ხდის.

[sknews.ge]