ხვალიდან ადიგენის თვითმმართველობაში კონკურსის მესამე ეტაპი დაიწყება

ადიგენის მუნიციპალიტეტის თვითმმართველობაში საჯარო მოხელეთა შესარჩევ კონკურსში გასაუბრებას 34 კონკურსანტი გაივლის. თვითმმართველობაში ვაკანტური 32 ადგილია.

საკონკურსო–საატესტაციო კომისიაში 7 წევრია. კომისიის თამჯდომარე ადიგენის მუნიციპალიტეტის გამგებლის მოადგილე მინდია ჯელიაა. თავმჯდომარის მოადგილე – ადიგენის მუნიციპალიტეტის საკრებულოს საფინანსო კომისიის თავმჯდომარე იმედა მღებრიშვილი.

კომსიის წევრები კი არიან: სოციალური დახმარების კომისიის თავმჯდომარე იმედა ხომასურიძე; საფინანსო საბიუჯერტო სამსახურის უფროსი ვაჟა მერაბიშვილი; ეკონომიკისა და ინფრატრუქტურის სამსახურის უფროსი გოდერძი სხირტლაძე; სამცხე–ჯავახეთის სახელმწიფო რწმუნებულის – გუბერნატორის აპარატის უფროსი გიორგი მიქელაძე და პროფკავშირების წარმომადგენელი – ნოდარ ბაღდოშვილი.

შეგახსენებთ, რომ ადიგენის თვითმმართველობაში საჯარო მოხელეთა შესარჩევი კონკურსი მიმდინარეობს. კონკურსში მონაწილეობის სურვილი 94–მა აპლიკანტმა გამოთქვა, თუმცა 4–მა პირველი ეტაპი ვერ გაიარა. მეორე ეტაპზე 90 აპლიკანტი გადავიდა, აქედან ტესტირება წარმატებით 34–მა კონკურსანტმა გაიარა. მათ შორის 13 კონკურსანტი მოქმედი საჯარო მოხელეა.

[თინათინ ზაზაძე, ადიგენი]