"ბორჯღალოსნებმა" გერმანიის ნაკრები 50:6 დაამარცხეს

საქართველოს რაგბის კავშირის ინფორმაციით, ქართველმა მორაგბეებმა 8 ლელო დადეს. პირველ ტაიმში გიორგი კოშაძემ ორი, ხოლო გიორგი ფრუიძემ - ერთი ლელო გაიტანეს, მერაბ კვირიკაშვილმა კი სამივე გარდასახა და ტაიმი 21:6 დასრულდა.

შესვენების შემდეგ სტუმრებმა ქულა ვეღარ აიღეს, ბორჯღალოსნებმა კი კიდევ 5 ლელო მიითვალეს. თავი ორ-ორჯერ გამოიჩინეს გიორგი თხილაიშვილმა და ბექა გორგაძემ, ბოლო ლელო კი მერაბ შარიქაძის ანგარიშზეა. კვირიკაშვილმა და ლაშა მალაღურაძემ თითო გარდასახვა გაიტანეს.

გერმანიასთან მე-100 კეპის მოხვეჭით პირველი ქართველი ‘ცენტურიონი’ გახდა მერაბ კვირიკაშვილი. შედგა ლაშა ტაბიძის, გელა აფრასიძისა და გიორგი მჭედლიშვილის დებიუტი.

ამ გამარჯვებით ნაკრებმა ბონუს ქულა აიღო და სატურნირო ცხრილში 10 ქულით პირველ ადგილზე იმყოფება. ბორჯღალოსნები მომდევნო მატჩს ორ კვირაში, 4 მარტს, ესპანეთში გამართავენ.



[sknews.ge]